'tis the ballad of Bob

Gellur í búrum!

2011-11-13T00:06:00.001Z

Ég var bara að spá í eitt með þarna Dirty Night og svona kófsveittar brundskemmtanir.

Það verður þetta fyrirbæri Body shots á svæðinu. Þar sem það liggur stúlka á borðinu með gólandi apamenni allt í kring að grípa ósjálfrátt í standpínurnar sínar. Svo borgar þú fyrir að sleikja salt eða eitthvað af maganum á stelpunni og svo tekurðu skot. Þetta er mögulega tippalegasta fyrirbæri sem ég veit um. Er eitthvað sérstaklega sexí eða gaman að sleikja salt btw?

En allaveganna, það sem ég var að spá er, hvernig er það með hreinlætið? Eru menn bara að sleikja þessa konu hver á eftir öðrum? Pant ekki vera númer fimmtán til að lepja saltbrák blandaða með bavíanaslefi. Eða stendur kannski einhver starfsmaður álengdar með skúringarfötu og tusku og skeinir slefið og svitann af stúlkunni?

Þetta er bara svo sexí og kúl alltsaman við þetta!!!

Hvaða hvaða, Blogger komið í 2007!

2011-11-12T23:45:00.001Z

Holí sjitt, það er komið nýtt interface á Blogger! Bara svona tveimur árum eftir að þessi miðill dó!Ég er að spá í að vera seinasti bloggarinn. Þetta verður keppni á milli mín og Dr Gunna.

Twatter

2011-07-28T21:23:00.001Z

Bara svo þið vitið, þá er ég miklu duglegri að tjá mig á Twitter. Ég er @breidholt

Gláp

2011-02-07T21:49:00.002Z

OOhh nágrannarnir á móti eru alltaf að horfa á eitthvað skemmtilegt í fína sjónvarpinu sínu. Núna er það Hercule Poirot. Ég vildi að ég ætti sjónauka og svona gler-hring til að heyra hljóðið eins og í njósnamyndunum.

Jæja ég er farinn að horfa á Nýsjálesk/Miðbaugsgínesku myndina 'Hafgola Lífsins' á RÚV. Í gamla túbusjónvarpinu sem gefur reglulega frá sér ærandi surg og slekkur á sér.

Engar ermar fyrir okkur takk!

2010-11-29T11:34:00.002Z

Ég bíð spenntur eftir að Bruce Willis og Michelle Rodriguez geri myndina "THE TANK TOPS"

NO SURRENDER! NO MERCY! NO SLEEVES!

-IMDB þýðir það auðvitað sem "Tvö á (tank) toppnum".

Einn sem er að reyna að vera eftirá og blogga.

2010-11-28T23:46:00.003Z

Enginn er að blogga lengur, allir eru bara á Twatter og að gera statusa og Blogger er ekkert að gera neitt í neinu. Sjáiði bara lúkkið á þessu! Það er ekkert að hjálpa ykkur að vera með alveg trylltan 2001 fíling í gangi sko.

Bara þúst dílaðu viðða.

2010-11-28T23:45:00.001Z

Spenar!

2010-11-27T23:38:00.002Z

Einu sinni þegar ég var í sjö ára bekk varð ég fyrir þvílíku órættlæti að enn þann dag í dag er ég að hugsa um það með skömm, biturð og grenju (hah ég ætlaði að skrifa 'gremju' en 'grenju' lýsir þessu mun betur!).

Kennarinn var að fræða okkur um spendýr og bað okkur að nefna dæmi um slíkar skepnur. Krakkarnir góluðu hestur og belja og allt það. Ég rétti upp hönd, mjög stoltur af sjálfum mer og tilkynnti það sigurviss að dæmi um spendýr sé: „maður“.

Hlátrasköll!

Krakkarnir hlógu að mér og frussuðu Svala út um nefið. „MENN eru ekki með spena!!“ Og meira að segja kennarinn tók þátt í því! Þú veist, ég leit yfir hópinn af krökkunum sem voru að hlæja að mér og svo þegar ég leit til kennarans að stöðva þessa geðveiki þá var HÚN LÍKA HLÆJANDI! TUSSAN!

Hún útskýrði góðlátlega fyrir mér fávitanum að 'maður' sé ekki spendýr -- 'KONA' er spendýr! Og krakkarnir alveg já einmitt KONA er spendýr ekki MAÐUR! Haha Bjössi litli fífl veit ekki að konur eru bara með spena og eru því spendýr og karlmenn hljóta þá bara að vera skordýr eða eitthvað.

Ég man hvað mér fannst ég hafi verið svikinn af kennaranum fyrir að standa með fávitahjörðinni. Sko, ég og þú vitum sannleikann og þú stendur með ÞEIM! Ertu að reyna að ganga í augun á þeim eða??

Ég fullorðnaðist smávegis þann daginn. Ég vona að allir þessir krakkar séu spilafíklar eða eitthvað í dag.

Löbb

2010-08-21T16:14:00.003Z

Þá er mínu (10km) maraþoni lokið. Ég valhoppaði í mark á flögutímanum 56:46 (þá er farið eftir flögu sem er fest við mann, en ekki byssutímanum, sem er ekki eins nákvæmur). Reyndar varð ég að valhoppa, því fólk var gubbandi villt og galið við endamarkið. Greinilegt að Powerade og hafragrautur er morgunverður meistaranna.

Ég vildi reyndar fá svona álpappírsteppi utan um mig þegar ég kæmi í mark. Nú eða svona lárviðarlauf eða jafnvel fána til að hlaupa aðeins um með. En ég fékk að minnsta kosti medalíu. Mína fyrstu medalíu hvorki meira né minna! ég er afar stoltur af henni, þótt fólk var að fá þetta uppúr pappakassa merktum "Brosbolir" eða eitthvað.

Ég mun bera þennan dýrindis gullpening á mér með pípandi stolti, þó hann sé eflaust úr einhverju pjátri, koparlíki eða klipptur út úr gulllitaðri bjórdós. Ég ætla að skófla í mig mat með honum og fara í sturtu með hann þangað til hann ryðgar upp til agna.

Já og það sem best er af öllu, þá voru margir sem... hvað segir maður? Hétu á mig? Heituðu á mig? allavega, á einum sólarhring náði ég að safna 21.500 krónum fyrir Kattavinafélagið, sem rekur Kattholt. Ef þíð viljið, þá má enn gefa pening (allt niður í 500 kall) út mánudaginn. Linkurinn á söfnunarsíðuna er í færslunni fyrir neðan þessa.

Næst er það 21 kílómeter, ekki spurning!

PS!
Ég var að skoða úrslitin á maraþon síðunni og sá að mitt sæti var rétt fyrir ofan miðju, 1620. sæti af 3396. Meðal!

Ef þér líkar við kattamal...

2010-08-20T13:17:00.002Z

Ég ætla að puða fyrir Kattavinafélagið (sem reka m.a. Kattholt) í Reykjavíkurmaraþoninu á morgun. Ef þið viljið heita á mig og styrkja ketti í nauð þá getið þið smellt á linkinn:

http://hlaupastyrkur.is/hlaupid/keppandi?cid=1818

Mjá
B

HELVÍTI!

2010-07-05T09:34:00.002Z

Mikið er skemmtilegt hvernig orðið 'víti' er notað í knattspyrnu. Víti er bara helvíti. HELL. „Hann dæmir víti.“ Jájá dómarinn kallar bara helvíti yfir markvörðinn. Gó tú hell. Vítaspyrna er sumsé the Kick of Hell. Sem var eða var ekki mynd með Jea-Claude Van Damme.

Það sama á líka við um orðið heljarstökk, sem er bara the Leap of Hell. Helvíti fyndið.

Playboy

2010-07-01T22:57:00.003Z

Mér finnst alltaf svo fyndið þegar atvinnuglyðrurnar okkar eru alveg, „í apríl mun ég svo sitja fyrir í Playboy. Þetta er bara eitthvað sem ég hef alltaf dreymt um og ég bara ákvað að slá til! Þetta er mikil viðurkenning fyrir mig og mikið búzt fyrir minn feril.“ Og svo eru fyrirsagnirnar alveg, TANLÍNA SKINKUDÓTTIR SITUR FYRIR Í PLAYBOY! (ÍSLAND BEST)

En þúst... svo er þetta bara gríska Playboy. Eða eitthvað. Jógóslavneska Playboy eða Færeyska Playboy.

Sko *ahem* svona er þetta: Það er bara "Playboy" ef það er Kaliforníska, Bandaríska, HughHefneríska Playboy Magazine©. Ef við erum að tala um Keltneska Playboy þá gæti það alveg eins verið Pulsubrauðstíðindi (gott blað sko). Portúgalska Playboy er bara einhver portúgalskur Björn Blöndal sem borgaði fyrir að nota nafnið.

OK! Bara smá reality check hérna.

Kiddi litli Finn??

2010-06-17T23:40:00.002Z

Ég, Jónína og fjölskyldan hennar heimsóttum ömmu Jónínu í Fossvogskirkjugarðinn í dag. Ég kem ekki oft þangað, en þetta er alveg svakalega fallegur staður. Trén alveg himinhá, fullt af þröstum að tína sér strá í hreiður og það er alltaf forvitnilegt að ganga um og skoða gamla legsteina. Börn sem létust innan árs, fólk sem varð hundrað ára. Að ímynda sér sögurnar á bakvið nöfnin og starfsheitin. Skósmiður. Tannlæknisfrú.

Sérstaklega er áhugavert að skoða legsteina hermannanna sem létust nálægt Íslandi í stríðinu. Þeir grafreitir eru afar snyrtilegir og við einn legsteininn lá gömul ljósmynd af sjóliðanum og kærustunni hans.

Við fundum fyrir tilviljun hvíldarstað Vilhjáms Vilhjálmssonar, Villa Vill. „Eitt sinn verða allir menn að deyja“ stóð á steininum hans. Svo núna rétt áðan datt inn lagið hans „Og co“ á shuffle-inu á itunes. Alveg æðislega flott popplag. En í textanum er hann er að neim-tékka fólk sem ég hef allldrei heyrt minnst á.

Hverjir voru/eru til dæmis:
Alfreð Þ. og Co
Óli kallinn Jó
sterki Guðjóninn
Kiddi litli Finn

Það er allavega skondið að lag sem lifir góðu lífi einhverjum 30 árum eftir að það var samið sé svona stappfullt af referensum sem enginn kannast lengur við. Amk enginn undir fertugu.

Já hm. til að súmmera þá finnst mér alltaf gaman að rölta um kirkjugarða, hvort sem það er í bænum eða úti á landi (sérstaklega úti á landi). Það er svona heilög stund, mikil virðing og ást í loftinu og það er áhugavert að skyggnast aðeins inn í fortíðina. Og maður veit aldrei hvern maður finnur.

HM í Vuvuzela

2010-06-15T16:53:00.004Z

Ég er að gera heiðarlega tilraun til að vera með í fótboltastuði og hafa gaman af HM. En þessi 0-0 jafntefli eru gjörsamlega að gera mig grasgrænann. Kommon, fótbolti, koddu til móts við mig. Ekki gera Bandaríkjamönnunum til geðs og vera svona agalega boring.

NBA Tilþrif

2010-05-23T12:31:00.022Z

Ég fylgist ekki neitt með NBA lengur, en við vorum að rifja upp gömlu logoin í vinnunni um daginn og það var gaman. Og nostalgískt. Nóg hjal, skoðum.

Orlando að flippa. Shaq var með þeim, en ég var aldrei neinn rosalegur fan. Kannski af því það var einhvernveginn verið að troða honum oní kokið á okkur unglingunum. RAD og COWABUNGA mölva spjaldinu rappedíklapp. It's The Shaq Attaq, pimpmasters! NOT!

Þetta er bara fyndið. Alveg Yosamety Sam hattur og læti. Alveg nacho hattur.

Stórkostlegt!! Svona eiga logo að vera, með einhverju fiftís maskotti að chilla. Samt soldill fag. Í kasmírpeysu og engum buxum. "Viltu vita leyndarmálið mitt?"

Þessir alveg bókstaflega að kafna úr næntís. Alveg sægrænt og fjólublátt einsog 1992 hafi aldrei endað. Muggsy Bogues var þarna. Hann átti bara að vera DVERGUR. Einhver trítli sem hljóp á milli lappanna á hinum. Bara einhver agnarsmár álfur sem gæti hafa leikið í Little Man. En þúst, hann var alveg einn sjötíu og eitthvað. Amk stærri en við skríkjandi fermingarbólurnar.

Þetta er bara epískt brjálæði. Pælið í þessu merki! Pííííínu gei.

Skittles litir. En ég hélt að jazz væri bannaður í þessu mormónaríki. Muniði Karl Malone átti 18 hjóla trukk! Hvað var hann annars með í vagninum? Svo var hann alltaf líka á hestbaki með kábojahatt.

Spörs með Miami Vice eitísið á hreinu. Aðmírállinn hét aðal gæjinn. Allir þurftu að heita eitthvað. The Admiral! The Mailman! The Sex Offender! eða eitthvað. Haha Dennis Rodman var The Worm! Alveg heví glatað nickname.

Hvort eru hendurnar að henda eða grípa? Við erum frábærir í að gef'ann! passiðykkur!

Ég elskaði Sacramento Kings. ohhh ég átti sko allt með þeim. Veggfóður, gardínur, baðsápusett... nei djók. Wá hélt einhver með þeim? Vissi einhver að þeir væru til? Einsog gæjinn í skólanum sem enginn veit hver heitir.

Hver var á undan? Er bara allt svona í LA? Tvennt af öllu? Tvær eldfjallamyndir, Tvær myndir um Truman Capote... tvö lið með alveg eins logo.

Íþróttalogo eiga bara að vera maskot. Þessir hafa aldrei breytt um logo held ég. Þarna átti hvíti maðurinn heima í eitís NBA. Larry Bird!

Bulls voru og eru með besta logoið. Það er bara þannig. Hvernig ætlaru að messa í þessum dúdda. Ef þú ætlar að vera með einhver tilþrif þá mun þetta naut bara nauðga þér.

En sjáiði hvernig þetta er í dag!

Djöfulsins ógeð. Karakterslaust og einsleitt drasl. Þetta er allt einsog einhver Superbowl logo. FOJ! Þetta er bókað mál allt hannað af sömu risastofunni sem er með svona drasl á lager.

Tvennt sem ber af í ógeðinu:

Þúst, hvað er þetta? Hvað á þetta að þýða? Hvah, hvah? Nei, hér í Oklahóma kærum við okkur ekki um logo með karakter. Við viljum ekki að logoið segi neitt um okkur. Engan eldmóð eða eitthvað fyrir mannsaugað að tengja við. Halló, THUNDER!!

Og hvað í fokkanum er þetta?

Hey mig langar út í körfubolta!

dæs

2010-04-24T23:08:00.004Z

Æjjjji kvöld/næturdagskráin á RÚV um helgar er svo agaleg alltaf... af hverju mega ekki vera dýralífsmyndir og Stephen Fry í staðinn?

RÚV er með betri dagskrá á mánudagskvöldum en um helgar. Pfff.

Þetta er ekki laugardagskvöld, heldur laugardagsKVÖL(d). Jæja ég er farin út.

Pælegg

2010-04-24T21:51:00.004Z

Ég var uppí Breiðholti þegar Jóní hringir í mig og spyr hvort ég vilji kíkja með henni heim til vinkonu hennar í partý með einhverjum píum. Ég hélt sko ekki. Ekki nenni ég sko að hanga í stelpu partý. Pff. Ég skellti á og hélt áfram að horfa á sjónvarpið og grínast með mömmu, systur minni og tveimur frænkum mínum.

###

Svo er alltaf voða gaman þegar LHÍ útskriftarsýningin opnar. Ég tók þetta fyrir einum fimm árum síðan og finnst ég vera voðalegur öldungur. Þetta er allavega einn af mínum uppáhalds dögum ársins. Allt að springa úr stuði og sköpunargáfu. En auðvitað er fátt annað að sjá á opnunardegi en mannþröng og hitamistur. Maður tekur þetta almennilega á mánudaginn á vinnutíma og kallar það rannsóknarvinnu.

Í öðrum listafréttum, þá eru Harpa og Þorvaldur með alveg geysiskemmtilega sýningu í Crymo á Laugavegi. 'Listamall' heitir hún og ég lofa æðislegheitum.

Rólegir í æsifréttamennskunni

2010-04-21T09:34:00.002Z

19. apríl:
„NEYDDUR TIL ÞESS AÐ DREKKA STÍFLUEYÐI!!!“
http://visir.is/article/20100419/FRETTIR01/275877513

20. apríl:
„...þá bendir ekkert til þess að maðurinn hafi verið neyddur til þess að drekka vökvann...“
http://visir.is/article/20100420/FRETTIR01/160305233

Spú

2010-04-18T22:15:00.003Z

Ég greini þjóðernisstolt í fréttaflutningi af gosinu.

Þegar útvarpsfréttirnar segja að gosið í Eyjafjallajökli sé að loka öllum flugvöllum Bretlands þá nota þau sama tón og þau myndu nota til að tilkynna að Tom Hanks hafi sést með húfu frá 66° Norður. Eða að John Travolta hafi fengið bensín á flugvélina í Keflavík.

Það er auðvitað fátt sem íslenskir fjölmiðlar elska meira en að nefna Ísland í tengslum við alþjóðlegra viðburði. Og nú eru Belgískir ferðamenn að gráta sólarlandaferðina sína og sjálfur Bandaríkjaforseti kemst ekki til útlanda út af ÍSLENSKU eldfjalli! Þá er sko lítið eldgos að hamast í brjósti fréttamanns.

„Milljónir manna eru strandaglópar um gervalla Evrópu og röskunin á alþjóðaflugi er nú orðin meiri en eftir hryðjuverkaárásirnar ellefta september 2001... Ligga ligga lá.“

Þetta gátum við, litla Ísland! Allt þetta umstang... út af okkur! Litla Íslandinu okkar! Það eru allir að tala um okkur í útlöndum! Oh sjáiði, útlendingar kunna ekki að segja "Eyjafjallajökull"! Guð ég fæ bara bóner af öllu þessu umtali um ÍSLAND! Sjáiði fyrirsagnirnar! Má ég setja þær á ísskápinn? Bíðið bara eftir Kötlugosi þá munu þeir jafnvel tala um okkur í... AMERÍKU!

Falleg byrjun á aprílmánuði.

2010-04-01T09:54:00.006Z

Ég er alveg svakalega spenntur fyrir deginum í dag. Fyrst ætla ég að kíkja á Essó þar sem er verið að gefa bensín handa þeim sem mæta klæddir eins og Silvía Nótt. Svo ætla ég niður í Kringlu þar sem ég las að Michael Jordan muni gefa eiginhandaráritanir. Svo ætla ég að fara niður í Laugardal til að reyna að sjá hreindýrið sem slapp úr Húsdýragarðinum. Bensíntankurinn sem ég fékk frá Essó kemur sér vel, því ég ætla að rúnta á strandstað flutningaskipsins Wilson Muuga en það á víst að gefa allan varninginn sem datt úr því. Svo enda ég daginn á því að sjá ABBA halda ókeypis tónleika í Bíóborginni. Góður dagur!

Djöfulsins kjams

2010-03-26T21:23:00.007Z

Djíses. Ég var í Hagkaup áðan til að kaupa krukku af kapers til að setja út á rjómaísinn minn (OK ég skal vera fullkomlega heiðarlegur, kapersið var ekki fyrir rjómaís), þegar ég rak augun í páskaeggjaútstillinguna. Reyndar var ekkert annað hægt, enda var þessi martraðarkennda hrúga af súkkulaði á stærð við Dómsdag. Reyndar svo stór að risa-risastóra þriggja metra gervipáskaeggið í miðjunni var nær horfið á bakvið hana.

Allavega, Þarna sá ég stærsta eggið sem stóð til boða. Það hefði eflaust náð mér upp í hné og var eins breitt og körfubolti. á miðanum stóð 1400g.

Hvaða sjálfstætt hugsandi manneskja myndi eiginlega kaupa eitt og tæplega hálft KÍLÓGRAMM af súkkulaði handa barni sem henni er lagaleg skylda að halda lífinu í?!

Gleðilega páska, hlussinn minn. Hér er páskaeggið sem þú baðst um! *rúllar því inn einsog varadekki* Ekki éta það allt í einu, því það er smjör í hádegismat! Litla rúmfasta dekurmúsin mín!

Unginn ofan á þessum súkkulaðihúðaða hljóðkút var uppstoppuð hæna. Hey og svo er páskaegg bara ekkert svo frábært. Súkkulaði og perubrjóstsykur er ógeðsleg blanda. Oj þegar ég eignast börn þá læt ég þau smíða sitt eigið páskaegg úr tré.

...

2010-03-20T01:21:00.003Z

Ég hef bókstaflega aldrei séð eins kúl mynd á ævinni.

Korn

2010-03-13T15:40:00.005Z

Ég fíla ekki U2.
Ég get því ekki sagt að ég sé pro Bono.
Ég er meira anti Bono.

Fimmæringur

2010-03-08T16:46:00.004Z

Ballaðan er fimm ára í dag. Sko mig. Fimm ára er sko áttrætt í mannaárum.

túss

2010-02-28T19:21:00.003Z

Ég fór í göngutúr áðan og rak augun í þetta veggjakrot:

SKJÓTUM
ÓLÆST
FÓLK

Heh, reyndar var þetta það lágt á veggnum að það var snjór yfir "fólk" þannig að áður en ég dustaði snjóinn frá var ég alveg, „skjótum ólæst hvað? Skjótum ólæst hjól? Það er fyndin sýra.“ En já semsagt, þetta er einhver sem er svona innilega á móti þeim sem kunna ekki að lesa. Reyndar var þetta rétt hjá Hvassaleitisskóla, þannig að það er alveg séns að einhver kennari hafi krotað þetta til að hræða krakkana.

Ég hef ekkert á móti svona gamaldags veggjakrassi. Steikt slagorð, dramatískar yfirlýsingar og níðyrði eru alveg málið. Svona eitís krass með artline túss einsog var í gangi áður en allir fóru bara að skrifa PEZER eða TGF. Krass með boðskap.

Hvað hét aftur bókin þar sem var búið að safna saman svona kroti? Er ekki kominn tími á nýja þannig?

PS
Flatus Lifir!

Spamm

2010-02-26T10:30:00.002Z

Muniði þegar Icelandair voru með bókstaflega allar auglýsingarnar í einu tölublaði Moggans? Djöfuls góðæri var það.

Brrreykjavík

2010-02-25T21:15:00.002Z

Hver ætli sé munurinn á duftinu í pakka af "Kakósúpu" og pakka af "Swiss Miss"?

Ég hef aldrei skilið fólk sem bölvar vetri og snjó. Ég er ekki að meina slabbfruss og títuprjónarok, allir hata það. Ég er að meina svona unaðslega snjókúlu eins og er í dag. Svona vil ég hafa Ísland (á viðeigandi tímum). Að þramma í snjókomunni eins og einhver arctic commando. Moka tröppurnar og koma svo inn með sultardropana lafandi niður á skóreimar. Hvað er betra en að kúra í lopapeysu, slafra í sig fyrrnefnda kakósúpu og ímynda sér að maður sé veðurtepptur í skíðaskála?

Athugið

2010-02-17T08:59:00.006Z

Tvær þvældar og úr sér gengnar línur sem íslenskir blaðamenn þurfa að hætta að nota:

a) Eins og enginn sé morgundagurinn

b) Eins og vindurinn

Svona frasar eru bara sniðugir ef þú notar þá einu sinni og þá bara ef þér er að detta þetta í hug á staðnum. Þeir verða alveg kreista-hnefana óþolandi sem niðurneglt stílbragð sem dúkkar upp í hverri einustu fyrirsögn.

Fleira var það ekki.

Hm

2010-02-10T22:27:00.004Z

Áðan sá ég auglýsingu frá 66° Norður.

"In Iceland, we have over 100 words for snow - But only ONE for what to wear."

Ööööö látum okkur sjá:

Sextíu (1)
og (2)
sex (3)
gráður (4)
norður (5)

Ég held að Cintamani hefði frekar átt að nota þessa línu.

Plús, ég er heldur ekkert svo viss með þessi hundrað snjó-orð.

Flettirekkinn

2010-02-10T21:20:00.003Z

Eitís var svo sannarlega blómatími hasarmyndanna. Krakkar með rottuhalahár fengu bara ekki nóg af blóði, grifflum og mönnum að skjóta sjoppuræningja til dauða (hvað var það annars? Fyrsta atriðið í eitíshasar er alltaf einhver að ræna sjoppu og þá kemur hetjan og skýtur búðina í TÆTLUR og myrðir svo ræningjann á hrottafenginn hátt. Þetta var fokking sjoppurán! Hverju hefði hann rænt? Fimmtíu dollurum? Og Sly rústar pleisinu og setur heilaslettur um alla veggi. Sjitt hvað þeir hötuðu ráðþrota fíkla á Reagan tímanum!).

Ég man að eldri bróðir vinar míns í Breiðholtinu var með hasar/ofbeldisaltari inní herberginu sínu (sem hann læsti alltaf með hengilás). Altaristaflan var plakatið af Cobra. Svo var svart flauel undir plakatinu og á því var hann búinn að raða alls kyns hnífum, hnúajárnum og öðru ofbeldisglingri. Svo hlustaði hann stanslaust á þungarokk og kóperaði klámmyndir. Svo átti hann líka svona kreisti-járn einsog var svo vinsælt á þessum tíma. Maður þurfti sko að kreista þetta til að geta kýlt augun úr hausnum einsog Michael Dudikoff. Eða til að njóta klámsins betur.

Sly... Arnie... Cynthia Rothrock... Þetta varð svo vinsælt að það fór í gang skrítin þróun. Allt í einu voru bara allir að gera hasarmyndir (oftast með lögguþema). Ég kaupi Eddie Murphy sem áhugamann um fjólubláar leðurbuxur en finnst það skrítið að fólk hafi keypt hann sem ofurlöggu sem skaut fólk til dauða.

Jim belushi lék í slatta af hasar. Bæði með hundi og með Arnold Schwarzenegger. Jim Belushi! Billy Crystal lék líka í lögguhasar ásamt steppdansarnum Gregoy Hines (sem átti smá frægðarsól í eitís)... þú veist.. ööö ok. Estelle Getty úr Golden Girls lék mömmu Stallone í Stop or my Mom Will Shoot og mig minnir að hún hafi fengið að skjóta. Chevy Chase var í Fletch og meira að segja Kathleen Turner lék ofurlöggu í myndinni V.I. Warshawski. Muniði eftir fleiri svona ólíklegum hasarhetjum?

Þessi tími er auðvitað löngu liðinn, sem er ver. Die Hard er tvímælalaust ein besta hasarmynd allra tíma. Svo blóðug, svo góð. En nýjasta myndin er einsog skelkaður geldingur við hliðina á henni. Svo skelkuð, svo geld. Varla desilíter af blóði (ekki einu sinni þegar hann hendir gæja í hakkavél) og McClane fær ekki einu sinni að klára 'motherfucker' í línunni sinni! En þetta lifir auðvitað í flettirekkunum. Hver er besti eitíshasarinn?

0102 - 2010

2010-02-01T10:22:00.005Z

Gleðilegan samhverfudag öllsömul! Nú verður ekkert sagt nema að það sé eins afturábak og áfram! Reyndar ætti þessi dagur bara að heita Raksápupáskar.

Tásunag og anusát!
Rassakalipsó-spilakassar!
Amma sá afa káfa af ákafa á Samma!
Vá! Má merk skatan nota tonnatakskrem á máv?

Sjitt hvað það er gaman að þessu. Jæja, ég er farinn að hlusta á ABBA.

¡Si!

2010-01-31T00:49:00.002Z

Kvikmynd kvöldsins er The Three Amigos. Ég hef ekki séð hana í svona 20 ár en bara á fyrstu mínútunum er saman komið landslið grínista 9. áratugarins:

Steve Martin
Chevy Chase
Martin Short
John Lovitz
Phil Hartman
Joe Mantegna

Þetta getur ekki annað en verið alger blockbuster, erþaggi?

Satan!!!

2010-01-28T21:59:00.006Z

Ég horfði á hrollvekjuna The House of the Devil um daginn og ég bara get ekki mælt nógu mikið með henni. Bara hættu að lesa og sjáðu hana. Kvikmyndargerðarmennirnir hafa bara sest niður og ákveðið að gera eitís hryllingsmynd. Niður í minnstu smáatriði. Og þeir ná lúkkinu og fílingnum fullkomlega. Það er nefnilega auðvelt að klúðra eitís homage-i með einhverju djóki og of miklu af píanólyklabindum þúst. Þeir náðu þessu líka vel í Boogie Nights (fyrir utan Don Johnson gallann í endann).

En wá, þvílíkt eitís klám. Litirnir, sjónarhornin, plottið, leikmyndirnar... Jafnvel fonturinn í kreditlistanum er fullkominn. Þeir gáfu hana meira að segja út á limited edition VHS. Og auðvitað er hún alveg horfa-í-gegnum puttana óhugnaleg. Ekkert ógeðis-slash-fest einsog við erum vön í dag, heldur ekta gamaldags spenningur.

Það er ekki séns að þróunin sem er í gangi í dag snúist við. Það eina sem dugar oní æskuna í dag sem getur gúgglað mannaslátur á netinu hvenær sem er, er stans- og heilalaust blóðblæti og ódýr bregðuatriði. En mikið ofboðslega er gaman og hressandi að sjá svona gömul og góð hryllingsgildi.

En já, allir að sjá, eins og skot!

PS
Á morgun ætla ég að setja inn lag úr myndinni á Btown. Fylgist með!

tabbbla

2010-01-27T22:33:00.002Z

Semsagt, iPad er bara til þess að vera á netinu uppi í rúmi?

Ég veit ekki alveg með hvert þetta stefnir, að maður geti alltaf verið með netið fyrir framan sig. Ég hélt að Wall-e væri djók en ekki leiðarvísir um hvert við eigum að þróast. Ég bíð bara eftir internet-derhúfunni svo maður geti líka verið að lufsast á facebook meðan maður þvær á sér hendurnar.

Slubb nag mjomm

2010-01-20T15:45:00.003Z

Kæru Hollywood píkur:

Hættið að sjúga, naga og bíta á ykkur fokking puttana!!

Þetta er svo einstaklega óspennandi og fyrirsjáanlegt. Ef þetta á að vera sexý, þá er ég greinilega ekki meðlimur í bakteríublætisklúbbnum. En ég býst við að markhópurinn þeirra laðist að þessu, enda vaxnir niður einsog þumalputti.

ponsulitla Krílsland

2010-01-19T08:20:00.009Z

Það eru alls ekki nýjar fréttir að við erum lítil, lítil þjóð sem þarf stanslaust að minna sjálfa sig á hvað hún er STÓR og STERK. Enginn má sjá litla ísafold gráta. Fjölmiðlarnir hafa alltaf verið þessi litla rödd sem hvíslar í eyrun okkar (eða öskrar öllu heldur), hvað við erum VÍST frábær. "Dúkka í íslenska þjóðbúningnum til sölu á EBAY!" Sagði ein fyrirsögnin um árið.

Á meðan góðærið stóð sem hæst var sjálfstraustið okkar þrútið og sveitt á alþjóðavettvangi og þá róaðist þessi 'við erum líka' mantra örlítið. En núna? eftir hrun og Æseif? Fffffuuuuu! Pínuborgarinn er kominn aftur af heift! And this time it's personal!

Stefán Karl er óþekkjanlegur sem Grinch í Disneysýningu í Hollywood, en okkur finnst það alveg merkileg staðreynd að frægt fólk sem á heima í Hollywood kemur þangað með börnin sín. SLASH horfði á Stefán Karl okkar! Wá þúst... Ísland maður... *bank á bringuna* (og ég er viss um að Slash hefur verið alveg spellbound á smábarnasýningunni)

Halli var einmitt að tala um frétt Vísis um Golden Glóps verðlaunin á Facebook. Ég leyfi mér að endurbirta hér:

Kathryn Bigelow var valin besti leikstjórinn. Bigelow leikstýrði á sínum tíma myndinni K-19, The Widowmaker, sem Sigurjón Sighvatsson framleiddi og Ingvar E. Sigurðsson lék m.a. í.

Þá leikur Jeremy Renner aðalhlutverkið í myndinni en Renner lék í myndinni Little Trip to Heaven, sem Baltasar Kormákur gerði fyrir nokkrum árum....

Myndin Avatar, sem James Cameron gerði, fékk fimm verðlaun, sem er einmitt sami fjöldi og íslensk kvikmynd fékk einusinni á Edduverðlaununum.

Jeff Bridges var valinn besti leikarinn fyrir myndina Crazy Heart, en Bridges þýðir "brýr" og á Íslandi eru einmitt margar brýr.

Besti leikari í aukahlutverki var valinn Christoph Waltz fyrir Inglourious Basterds og
besta leikkonan var valin Mo'Nique fyrir Precious, en Ísland er einmitt oft talið "precious" af ferðamönnum.

Heh Halli fyndinn.

En glataðasta dæmið um þennan hugsunarhátt er tvímælalaust fréttaflutningur af íslensku björgunarsveitinni í Haítí. Þeir eru auðvitað stórkostlegar hetjur, það vita allir. En það er einsog það sé verið að nota þeirra hetjudáðir til að pumpa upp okkar eigið sjálfsálit.

Í alvöru, prófið að taka hvaða frétt sem er um þá, en skiptið út "íslenska björgunarsveitin" fyrir "íslenska handboltalandsliðið". Nú eða "Jóhanna Guðrún" eða "Eiður Smári". Þetta er allt sama fréttin.

Íslenska björgunarsveitin var FYRST á vettvang!

Íslenska björgunarsveitin er að ferðast með BANDARÍSKUM herflokk!

Íslenska björgunarsveitin sat á bekknum þegar stúlka fannst á lífi.

NÚNA sjá allir hvað Ísland eru miklar hetjur! NÚNA sjá allir eftir að hafa verið vond við okkur útaf Æseif! SKO!

Haítíbúar eru þakklátir fyrir nærveru ÍSLENSKU björgunarsveitarinnar.

Sko, þessi jarðskjálftafórnarlömb væru þakklát fyrir simpansa með hjálm, ef hann gæti bara lyft braki af ömmu þeirra, skilljú. Ég heyri klingja í Fálkaorðum! Og móttöku í Leifsstöð. Og athöfn á Austurvelli.

VIÐ ERUM BEST!!!

og Gyllta Pennan hlýtur...

2010-01-17T11:10:00.002Z

Úr lítilli fréttaleysu á Vísi:

Fíkn í fjárhættuspil á netinu vaxandi vandamál í Bretlandi eins og víða í Evrópu og veraldarvefurinn hefur átt mikinn þátt í því."

Ég veit ekki hvar ég á að byrja.

Svo er hann líka í skápnum, þið vitið það.

2010-01-13T10:55:00.001Z

ciga-cigar right from Cuba-Cuba
I just bite it
it's for the look - I don't light it
Will Smith - 'Gettin' Jiggy Wit it

Nú spyr ég, er þetta aulalegasta lína rappsögunnar?

Þvílíkur heimur.

2010-01-06T15:29:00.001Z

Ég var að ljúka við að borða öfugt Kúlusúkk. Lakkrístúba með hörðu súkkulaði innaní. Íslenskt hugvit á engan sinn líka. Hvað næst? Öfugt Lindubuff?

Jesús minn almáttugur

2010-01-04T22:21:00.004Z

Getur þetta djöfuls moðerfokking auto-tune farið að hverfa? Hvað er í gangi hérna?!

Svo fyrir utan róbótaruglið er þetta low-budget myndband alveg geysilega sorglegt á að horfa.

Hey...

2010-01-03T13:49:00.002Z

Ef vampírur eru hræddar við krossa, af hverju skrælna þær ekki þegar þær sjá glugga, net, köflóttan borðdúk, íslenska fánann, vöfflur eða rúðustrikað blað? Það er allt morandi í krossum og samt eru vampírur úti um allt. Samt, vampírur eru aular. Zombís eru ekki hræddir við neitt.

Púmmaljós

2009-12-31T16:45:00.006Z

Gammlásskvöld hefst á því að ég er með 'Hip Hop Hooray' með Naughty By Nature á heilanum og er það blönduð blessun. Framundan er knall, hurðarsprengjur og sveittir dansiskór. Ekki má gleyma flóði hátíðarmatar, þar sem puran lekur af hverju kartöflustrái.

Þetta blogg hefur verið býsna eitt og yfirgefið þetta árið og finnst mér það soldið leiðinlegt. Mér finnst að árið 2009 hafi gengið að bloggmenningunni dauðri. Katrín hitti naglann á höfuðið um daginn, þegar hún sagði að Facebook væri búið að drepa bloggið. Það er að mörgu leiti rétt. Hugmyndarkorn sem hefði orðið að færslu í gamladaga (í fyrra) er núna bara einhver status-tuska.

Svo er það þessi blessaða kreppa og tuðið sem viðgengst á netinu. Ég man þegar BLOGG var vettvangur skemmtilegra pælinga, hnyttinna athugasemda og sagna úr glettnum raunveruleikanum. En það eina sem kemur í hugann á mér þegar ég hugsa um BLOGG þessa dagana er botnlaus pottur af kúkagraut þar sem er ekkert annað en kreppuvæl og nafnlaus tröllaskapur. Ég get alveg haldið áfram að skrifa um bjánalega vitleysu, en allir aðrir eru að velta sér uppúr morknu tuði og moggabloggi. Mér líður eins og Poison eftir að Nirvana kom til sögunnar. Ég vil bara strekkja á spandexbuxunum mínum meðan allir aðrir vilja hata foreldra sína og grenja.

En enga depurð. Ég er farinn upp í Breiðholt að sprengja þessa klikkun hér:

Viva hair metal, gleðilegt ár og Hipp Hopp húrreeeeiiiii hóóóóóóó heeeeiiiii hóóóóóóó...

Næntís minning

2009-12-29T13:35:00.000Z

Derhúfur með svona járnplötum boltuðum á derið og framaná. Ég átti eina þar sem stóð "Be Cool". Töffffff.

Pælingarkorn

2009-12-28T10:10:00.000Z

Stundum rekst maður á svikahrappa spamm vefbannera á íslensku. "Þetta er ekki brandari þú vannst! - smelltu hér" eða eitthvað þannig. Hver gerir þessar íslensku útgáfur? Fá menn bara beiðnir í pósti? Það myndi eiginlega líta út einsog spamm í sjálfu sér. "Hey viltu græða pening og þýða spamm?" Eða leita þeir svikahrappana upp sjálfir?

Hver mundi gera samlöndum sínum þetta, að þýða scam-spam? Þetta eru landráð!

Vandræðalega flegið - myndir

2009-12-28T09:07:00.001Z

Já, hún Ellý á það stundum til að fá orð á heilann.

Gleðilega bumbutíð

2009-12-26T15:01:00.004Z

„Hann fékk bók en hún fékk nál og tvinna...“

Úreldu hugmyndirnar um hvað börnin eiga að fá er eitt mál, en ég hef meiri áhyggjur af því hvernig foreldrarnir eyða í börnin. Hann fær bók, en hún fær eina nál og litaðan þráð á kefli?

Hérna elsku sonur, hér er bók handa þér *hlunk* og handa... hinu barninu okkar, þessi nál *plíng* og já verum grand á því og höfum einn tvinna með. Jæja vaskaðu nú upp og farðu svo að stoppa í nærbrækurnar mínar.

Strákurinn fær gjöf fyrir svona fjögurþúsund kall en þetta pakk tímir bara svona 90 krónum í hana. Scumbags.

En já, gleðileg jól. Kveðja frá ofátsdeildinni, þar sem er verið að dæla uppúr maganum á mér.

Bjölli Brók.

STOPPIÐ PRESSUNA!

2009-11-29T15:49:00.003Z

HAA! Í ALVÖRU?! WÁÁÁÁÁ! SJITT! VEIT MARTEINN FRÆNDI AF ÞESSU! BARA SJITTT! WÓÓÓÓ!

ARRR!

2009-11-18T22:16:00.006Z

Ég er friðsæll, ljúfur maður. En stundum, bara stundum þarf ég að bíta í hnefann á mér til að berja ekki tölvuskjáinn. Ef ég myndi sjá þetta GERPI úti á götu fengi ég svo mikinn tryllings þrýsting í höfuðið að það myndi frussast hor út um nefið. Sjitt hvað ég væri til í að rykkja í þessa gluggatjaldahringi og sveifla mér í þeim einsog óður bavían. Og svo slitn.

Og hvað svo? Ætlar hann að leyfa barnabörnunum að kasta brennóbolta í gegnum húllahringina sína? „Hey afi lúser, megum við taka kollhnís í gegnum fávitagötin þín?“

*andar í bréfpoka*

Stílbreyting

2009-11-09T09:27:00.004Z

Það er greinilegt að umræðan um -myndir fréttirnar á vísi hefur breytt stílnum hjá Ellý. Fyrirsagnirnar sem voru alltaf "Kok Pamelu Anderson - myndir" eða "sveitt síðuspik Beyonce - myndir" eru núna furðu persónulegar og beint frá hjartanu.

"Þetta er of flegið! - myndir"
"Auðvitað brosir þú með þetta mitti - myndir"
"Þú ert glötuð! - myndir"

Ég held bara að þessi stíll henti henni vel. Núna fáum við fyrir alvöru að skyggnast inn í hennar endalaust áhugaverða huga. Hún þarf ekki lengur að fela sig á bakvið "Síður og bólóttur rass sveittrar Lindsey Lohan - myndir", heldur getur hún komið beint út með "Ég hata þig Lindsey Lohan! - myndir". Þetta er spennandi þróun.

Sem fyrr er ég límdur við skjáinn í annarlegri forvitni.

PS
Eitt annað með Ellý. Ég þori að veðja að hún sé með Obsessive compulsive disorder (hvað heitir það á íslensku?). Það er svo stálföst uppbygging á greinunum hennar og hún notar sömu frasana ("burtséð frá því...", "...í meðfylgjandi myndasafni") af slíkri áráttu að ég er viss um að hún fer ekki úr húsi án þess að snerta hurðarhúninn þrisvar.

Nú skil ég hvað hann meinar með Can't walk away

2009-11-07T16:06:00.000Z

Ég er búinn að sjá Herbert Guðmundsson úti á götu tvisvar á jafn mörgun dögum.

Ég held að hann sé að stalka mig.

Njamm renndu við í búðinni og keyptu lungu.

2009-10-29T13:15:00.002Z

Hér er smá myndaþáttur sem ég kýs að kalla "Bara á Íslandi".

Ertu ekki að grínast?

2009-10-03T16:51:00.002Z

Ekki korter liðið og Transformers 2 er strax komin í topp 5 lélégustu myndir sem ég hef séð. Fokk Michael Bay og fokk Megan Fox!

Ayayay

2009-09-27T11:54:00.007Z

Ég sá 'The Mexican' í sjónvarpinu í gær. Alveg hellað glötuð mynd og ekkert meira um það. En ég fór amk að pæla: Ég hef bókstaflega aldrei séð Mexíkó túlkað sem nútímasamfélag í Hollywoodmynd. Í bíómyndum er Mexíkó sólbökuð eyðimörk þar sem eina byggðin eru einhverjir kúrekabæir (með kirkju í miðjunni) þar sem búa eingöngu ógeðslega ófríðir, sveittir glæpamenn. Menn eru skotnir einsog mannslífið sé einskis vert þarna og trompetið er þanið útfyrir þolmörk.

Þetta er alveg ofboðslega klisjulegt og þvælt. Það ætti að vera til bingóspjald fyrir Mexíkómyndir: Ljótur barþjónn, kámugir bóndar á einhverjum hænsnatrukk, Pallbílar troðnir af skjótandi morðingjum og ógrynni af saklausum sveitadurgum sem má plaffa og drepa án ástæðu eða afleiðinga. Og auðvitað alltaf ALLTAF Danny Trejo.

Þetta er bara rasismi. Hvernig haldiði að það væri ef svart fólk væri túlkað svona? Þarf ekki einhver að fara í kröfugöngu þarna úti?

HAHAHHHAA

2009-09-26T21:57:00.004Z

Alveg fer það djöfulli mikið í taugarnar á mér hvað útvarpsfólk er alltaf hlæjandi þessa dagana. Skríkjandi, hneggjandi fífl. Þetta er sorgleg Bylgjuvæðing. Maður býst auðvitað við svona skrípagang og er-ekki-gaman-hjá-okkur gerfihlátri af Bylgjunni, en nú er Rás 2 farin að herma eftir (enda að hríðfalla í hlustun skilst mér). Því er morgunútvarp Rásar 2 orðið að Síðdegisútvarpi Bylgjunnar. 'Dýr dagsins' og allir að gjamma og djóka oní hvort annað einsog það sé á þriðja bjór (kannski er það svo).

Ég er auðvitað enginn emódrengur sem hatar stjúpföður sinn, ég hef ekkert á móti hamingju og hlátri, en það þarf að gíra örlítið niður þessa geðveikislegu kátínu í útvarpinu. Allt þetta STUÐ og GAMAN klukkan korter í níu á morgnana er bara eitthvað svo sjúkt og gerfilegt. Ég þori að veðja að þegar það kemur lag, þá hætta þau öll að grenja úr hlátri og sitja þarna í þögn.

AAAAHHH!!HAHAHAHAAAAAH!!!

Mamma mia

2009-09-19T20:00:00.005Z

Mamma kallaði graffiti 'hjólabrettastafi' áðan. Ég elska hana svo mikið.

Annars var ég í tvöföldu afmæli hjá frænkum mínum Þóru Margréti og Katrínu Erlu. Mikið er gott að sitja og slafra í sig marensköku og heitum brauðrétti. Aspas og skinka! Hamm!

Fór á Bakkus í gær. Alveg fínn staður, en staðsetningin er handónýt. Alveg hellað pakk sem djammar þarna fyrir neðan Lækjargötuna. Þvílíkar skinkur úti um allt. Glaumbar ætti bara að heita Sláturfélag Suðurlands. Og gæjarnir maður. í jakkafötum úr næloni, með skyrtuna ógyrta (pet peeve!!) og í hvítum strigaskóm við svörtu jakkafötin. Og auðvitað hægt að mylja gelið úr hárinu.

Ekkert ofboðslegt djamm á mér, en samt nóg til að líta við á Nonnabátum á leiðinni heim. Fyrir mér er engin samkeppni milli Nonna og Hlölla. Nonni er miklu betri. Kjúklingabáturinn þar er með alvöru kjúklingakjöti á meðan Hlölli notar svona kjúklinga skinku álegg. Pfft. Svo ætti Hlölli bara að heita Aromat Skúrinn.

En í kvöld er það bara knús og videogláp, skissubókarkrot og bjór eða fimm. Kojudjamm er best.

PS
Sko stelpurnar eru Skinkur, en hvað heitir karldýrið?

Núllníu

2009-09-09T10:03:00.003Z

Wó 090909. Samt hlakka ég meira til þegar klukkan verður ellefu mínútur yfir ellefu þann ellefta nóvember árið 2011. Síðan spá ég því að allar kirkjur verði fullbókaðar fyrir brúðkaup þann 07.09.13 brúmmtissj.

Annars veit ég það fyrir víst að það er komið haust því ég er með sumar-haust kvefið mitt. Að sama skapi veit ég að vetri er lokið þegar ég fæ vetur-vor kvefið. Einsog laufin falla á rakt malbikið þá snjóar snýtipappír yfir alla íbúð. Svo þegar hóstið, snýtið, hnerrið og asnalega kvefröddin eru farin þá geng ég um einsog bóndi og safna tissjúuppskerunni í ruslafötuna.

Ég ber svart (mynd)band á arminum.

2009-08-30T11:11:00.005Z

Laugarásvideo brann í nótt. Hörmulegt menningarstórslys. Jæja, nú er tímabil myndbandaleigunnar endanlega runnið undir lok hér á landi og æskan mun ekki þekkja annað en dánlód og þessa glötuðu videosjálfsala í 10-11. Skítt með Michael Jackson. Þessi dauði kremur í mér hjartað.

¡Ay Karamba!

2009-08-29T14:16:00.002Z

Mikið þykir mér gaman að spila á Karamba. Besta krád í heimi. Fólk er komið uppí gluggakistur í kringum miðnætti og er opið fyrir öllu, hvort sem það er glænýr danstryllingur eða Wings ('Silly Love Songs' er besta lokalag í heimi). Svona á djammið að vera. Allir að vera þeir sjálfir, að öskra með 'Go Your Own Way' og að láta einsog bjánar. Nóg komið af þessum ógeðis tekknó töffaraskap þar sem allir eru að geifla sig af stælum.

Nýjasta tækni og vísindi

2009-08-29T11:41:00.005Z

Tinkertool = snilld

Tinkertool er skemmtileg viðbót við mac. Einsog þeir segja sjálfir:

TinkerTool is an application that gives you access to additional preference settings Apple has built into Mac OS X. This allows you to activate hidden features in the operating system and in some of the applications delivered with the system.

Þetta er í raun einsog System Preferences part 2, þar sem maður getur hakað við það sem maður vill og hvað ekki.

Sumt sem mér finnst gott:
* Maður getur tekið 3-D gler effektinn af dockinu (jösss)
* Maður getur valið á hvaða formatti screenshot eru (jpg, pdf...)
* Maður getur endanlega lokað á Dashboard, því helvíti.

ofl ofl ofl

Tékkið á Tinkertool hér og dánlódið því hér.

Kert Russsell

2009-08-26T22:40:00.006Z

Það er orðið alveg ofboðslega langt síðan það kom seinast rafmagnsleysi. Og þá er ég að meina einsog í gamladaga, þegar heilu hverfin brunnu yfir og steyptust í svarta myrkur. Þetta er varla hægt lengur, mjög eitís fyrirbæri.

Mamma kallar ♫rafmagnslaust♫ og allir koma saman með vasa- og kertaljós. Óundirbúinn hellaleiðangur. Börnin okkar eiga eftir að hlæja að þessu. "Til forna gat maður ekki stólað á rafurmagnið, það datt út í marga tíma í senn og þá var safnast saman í baðstofunni" segjum við með nostalgíuslef á hökunni og titrandi af inter-elli. "Þá var fundið sér eitthvað til dundurs: ullin kembd, börnin léku með legg og hímankall og faðir ykkar stóð með luktina úti á hlaði ef ske kynni að drýslar leyndust í myrkrinu".

Bókaklúbburinn

2009-08-25T10:38:00.001Z

Áðan sá ég konu lesa bókina

"Meltingarvegurinn og geðheilsa"

Ég vildi lesa soldið yfir öxlina verð ég að segja.

Dolly!

2009-08-22T23:04:00.001Z

Getraun dagsins

2009-08-21T10:58:00.000Z

That's my son up there!
-Who, the balding fatass?
Ummm no the hindu guy.

Myndabás

2009-08-20T00:33:00.004Z

Einsog þessi mynd sé ekki nógu óhemju kjánahrollsleg fyrir: Getið þið ímyndað ykkur hvernig Bjöggarnir og vinir þeirra létu á meðan tónleikarnir voru í gangi? Kinkandi kolli í takt, veifandi höndum einsog þeim sé alveg sama og gerandi puttatákn fyrir klíkur sem eru ekki til. Pabbi gamli sleppir sér smá og gerir einsog hann heldur að svona menn geri. Svona svartir menn. Fiddy er bara Mikki Mús að pósa með túristunum.

Ég skrælna af ógeði.

"Boris... why always Boris? "

2009-08-07T09:48:00.002Z

Jæja þá var ég að klára The Wire. Hvernig í ósköpunum á maður að geta horft á aðra lögguþætti eftir þetta? Sheeeeee-ittt!

"Life moves pretty fast. If you don't stop and look around once in a while, you could miss it."

2009-08-06T23:30:00.001Z

Hvíl í friði, John Hughes.

Refskák

2009-07-30T21:10:00.008Z

Það er kominn treiler fyrir nýjustu Wes Anderson myndina og hún er... HA?!?! EKKI um ríka pabbastráka með fjölskylduvandamál?!

Skoðið treilerinn fyrir nýjustu Wes Anderson myndina, "Fantastic Mr. Fox" með því að smella hér.

Ég er alveg eins mikill Wes Anderson fan og næsti hvíti maður, en þær eru orðnar býsna einsleitar. Yfirstéttarkrakkar með daddy-issues... í Manhattan. Daddy-issues... í kafbát. Ríkir strákar með daddy-issues... í Indlandi.

Sándtrökkin eru alltaf góð, en það má færa þau á milli mynda án þess að það heyrist munur. Ray Davies hefur eflaust ófáar skúturnar keypt fyrir Wes Anderson ávísanir.

En þeir sem er annt um W.A. stílinn þurfa ekki að örvænta með nýju myndina. Dýrin eru amk. klædd í retro jakkaföt og Futura er á sínum stað. Hver veit, kannski er þvottabjörninn bitur út í pabba sinn, moldvörpuna fyrir að yfirgefa fjölskylduna þegar hann var ungur.

Kjamms

2009-07-27T21:15:00.007Z

Ég var að borða "Roast beef salat". Var of forvitinn til að kaupa það ekki. Í búðinni var semsagt ítalskt salat - túnfisk salat - og svo Roast beef salat. Ég mokaði því á Haust kex og kjamsaði.

Þetta er bara einsog einhver hafi tekið nokkrar róstbíff samlokur og stungið þeim í matvinnsluvél. Ég allur fylgjandi því að leika guð í eldhúsinu og að blanda saman af algjöru siðleysi, en ég er samt að vega það og meta hvort roastbeef salat sé gómsæt nýjung eða glæpur gegn náttúrunni.

Þetta er alveg gott sko, enda er roast beef samloka góð. Að sama skapi er ostborgari góður, en ég vildi varla borða ostborgara salat. Nei OK ég styð nýjungar og gef roast beef salati tvo remúlaðikámaða þumla upp.

En svo er það ráðgátan með ítalskt salat. Hvað er ítalskt við að blanda saman majónesi og Ora dós af grænum baunum og gulrótarbitum? Sá sem bjó til þennan ófögnuð þegar ekkert annað var í skápnum hefur verið alveg, „öööö þetta er ÍTALSKT salat, já gasalega fínt og kosmópólítan. Þeir háma þetta í sig ítalirnir. Setja þetta alltaf á hangikjötið sitt“.

Biðin senn á enda.

2009-07-27T16:26:00.005Z

Hér er smá gaman til að stytta biðina:
Mad Men Yourself

Kjamsís

2009-07-25T11:53:00.005Z

Doktorinn er með skemmtilega sögu af heimsókn í Kjörís, Hveragerði. Skemmtileg þessi mynd af gríslingunum hans að skoða nostalgíu íspakkningar:

Reyndar ekki Breikpinnar þarna en ég man eftir þessi stöffi. Flest frá næntís sýnist mér. Ég fór í túr um þessa sömu verksmiðju þegar ég var lítill. Þá voru breikpinnaprik úti um allt. Mig langaði svo til að stinga þeim á mig og smygla þeim út. Ég hefði sko búið til heimsins stærsta blýantahaldara. Sjii lið sem vann þarna hefur eflaust búið í húsi úr breikpinnaprikum. Sofið í breikpinnarúmi. "ohhh breikpinnapriks klósettið lekur alltaf!" Osfv.

Svo var það ísboltinn. plastbolti sem var fullur af vanilluís. Mér fannst ísloka góð, í raun bara tvö súkkulaðikex með ís á milli. HEY! Hvernig væri ef Oreo gerðu ís útgáfu af kexinu sínu? Ég þigg umbun fyrir þessa hugmynd í reiðufé, Oreo-co.

Glætan var svona ísnál. Fyndið, þetta var öruglega bara skírt eftir því sem allir krakkarnir voru að segja. "Glllætan!" sögðu krakkar með hor niður á grifflur og ískallarnir hermdu. Ætti þá ekki að koma út ís sem heitir 'Þokkalega' eða 'Gaur'? Einn Gaur með karamellubragði takk.

Lekkert.

2009-07-18T17:56:00.003Z

Spottað í umferðinni áðan: Einkanúmerið MILF. Smekklegt.

En samt er orðið milf alveg voðalega útúrþvælt, gatslitið og úr sér gengið. Er ekki Cougar málið núna? Nú eða bara Gaupa á móðurmálinu. Ungir durgar í strigaskóm við jakkafötin læðast um diskógólfið á B5 á eldheitum gaupuveiðum. Nú á að skjóta fjallaljón. Góða veiði.

Fail.

2009-07-17T08:35:00.001Z

Skviss

2009-07-16T20:11:00.004Z

Ég var að keyra heim áðan og rak augun í lítinn, einmanna Crocs skó sem lá á götunni, munaðarlaus og yfirgefinn. Hann biðlaði til nærstaddra um hjálp, skítugur og vonlítill.

Mikið þótti mér gott að keyra yfir hann.

Hress gæji.

2009-07-08T12:30:00.003Z

Það var extra mikið af furðufuglum í strætó í morgun. Einn þeirra byrjaði skyndilega að hrópa. Ég var með heyrnartól þannig að ég heyrði ekki hvað hann sagði fyrst en skyndilega sneri hann sér að hinum farþegunum: "Ég gæti alveg ímyndað mér að drepa alla jarðarbúa! Brandarinn er búinn grínið er búið!" Hann sagði ekki meira það sem eftir var ferðarinnar en við hin marineruðumst í eigin ónótatilfinningu.

Shamone!

2009-07-06T10:20:00.001Z

Ég segi bara einsog einhver sagði um daginn: Bara ef Michael Jackson væri á lífi í dag til að sjá þetta. Þvílík ást og virðing. Hann sá nú ekki mikið af þessu undanfarin ár.

Ég hef reyndar ekki mikið verið í tribbjútum og nostalgíu, enda var ég búinn að syrgja kallinn fyrir löngu. Fyrir mér dó Michael Jackson á gamlársdag 1989. Seventís og eitís var hans tími. Hann gerði ekkert af viti eftir það.

Jarðarförin verður samt spennandi. 20.000 manns með svartan hanska. Gullkista, fílaskrúðganga og Martin Bashir brenndur á teini.

Sandkorn

2009-06-25T10:34:00.000Z

Hver ætli verði fyrst/ur til að setjast á þetta fáránlega, mannlausa gras-svið á Lækjartorgi? Þetta er falleg hugmynd og allt það, en það er rokrassgat þarna og þessi upphækkun lætur þetta líta út einsog eitthvað dýragarðs atriði.

Um þetta leiti í fyrra var ég búinn að fara svona þrisvar sinnum til Víkur í Mýrdal en hef ekkert farið í sumar. Þannig að ég er með algjöran fíklakláða að drulla mér austur á morgun. Hlaupa uppá Reynisfjall, dæsa í fjörunni, Dyrhólaey, Halldórsbúð og Víkurbaðstofa. Mér líður einsog fanga sem er við það að losna, teljandi niður dagana með því að tattúvera strik í höndina.

Smá getraun í lokin.

Hvaða töffari er þetta? Sigurvegarinn fær poka af sandi úr Reynisfjöru.

Bögluð nögl

2009-06-11T22:24:00.003Z

Ég ætlaði að vera alveg yndislegur náttúrusonur og fara með fernur í endurvinnslugám. En svo klemmdi ég mig alveg hræðilega á lúgunni á gámnum. Hvað á ég að læra af þessu, ha?! Ég vildi bara gera gott sko! *kjökur* OK fokkaðu þér þá, bara fokkaðu þér endurvinnsluguð! Ég er farinn að sturta niður batteríum!!

Ó, Ellý.

2009-06-06T13:08:00.003Z

Er ekki í lagi heima hjá fólki? Hvernig getur þetta verið "mest senda" fréttin? Hverjum dettur í hug að senda þessa "frétt" í tölvupósti?

subject: Heyrðu Jobba þú bara verður að sjá þetta - BÓLUR!!

Áburður eilífðarblómsins

2009-06-06T12:02:00.003Z

Home var í sjónvarpinu í gær. Gasalega næs myndefni og allt það, en lesturinn var alveg að drepa mig. Gætu frakkar mögulega verið háfleygari? Poki sólarljóssins? „Linnulaust sækir mannfólkið í poka sólarljóssins í stöðugri leit að smápeningi örlaganna. Börn stjörnuryks biðja móður eilífðar í dans á auðugum sléttum hégómans. Tími. Elífð.“ eða eitthvað álíka. Mörgæsarmyndin (franska útgáfan) var líka svona ofboðslega dramatísk og tilgerðarleg. Þar talaði frú mörgæs við eggið sitt. „Sonur vetrar, ávöxtur hjarta míns. Megi guðir hinna fjögurra vinda lýsa föður þínum veginn í faðm eilífðarinnar.“ Alltaf eilífðin sko.

Er þetta kannski bara hvernig frakkar tala dags daglega? Hér er frakki að rista brauð: „Móðir frjósemdanna hefur fært saman korn jarðar og lyftiduft tímans. Raftækið, samspil manna og guða. Færðu brauðinu yl ástarinnar. Logar hjartans. Eldur - eilífð.“

Púff skræln

2009-05-26T22:45:00.003Z

Oj hvað mér verður alltaf flökurt þegar ég sé fólk vera að reykja inni í bíl. Stundum tveir eða fleiri í einu. Gubb! Hversu marineraður þarftu að vera í kæfireyk og tjörusvita? Ég fæ bara tár í augun og varaþurrk við tilhugsunina að vera lokaður í þannig gasklefa. Er þá ekki næsta skref að reykja í símaklefa?

"Best að ég teipi þennan pappakassa loftþéttan til að reykja inní honum".

Status Lifir!

2009-05-25T00:19:00.004Z

Ég hef stundum spáð í að fá mér Twitter. En svo kemur á daginn að ég er með Facebook. Hvað er Twitter nema Facebook mínus allt nema statusinn?

Og blaðamennskuverðlaunin fær...

2009-05-19T22:56:00.000Z

Flekkótt Kremjufés fer í framboð fyrir Störuflokkinn

2009-05-13T21:41:00.002Z

Í heilu vikurnar hef ég horft alveg hreint agndofa á þessa yfirþyrmandi hrikalegu mynd:

Bara WÁ. Hvaða óvinur hans vinnur á Mannlífi og hvað gerði Sigmundur til að eiga slíka hefnd skilið? Þetta er næstum jafn slæmt og zombívampíran forðum. Mannlíf kýs væntanlega ekki Samfylkinguna.

Borgarahreyfingin = gæjar í gallaskyrtum með of mikið af dóti í brjóstvasanum

2009-05-13T13:50:00.006Z

Hvurs konar hallæris luraflokkur er Borgarahreyfingin?

Afnema bindisskyldu? Á móti því að kalla hvorn annan "Hæstvirtur"? Hvað, viljiði ekki bara mæta í inniskóm og skítugum seríosbol, kallandi hvorn annan lagsa og kjallinn?

Þetta er Alþingi Íslands. Hundskist til að læra að setja á ykkur bindi (það er eflaust enn hangandi á krók síðan um jólin, enn með hnútnum á) og hysjið upp um ykkur brækurnar. Ef það er einhver staður þar sem menn ættu að vera skyldaðir til að sýna lágmarks snyrtimennsku og smekklegheit þá er það á Alþingi.

Það er nógu slæmt að sjá þingmenn sendandi SMS allan daginn einsog menntaskólaskinkur.

Ég veit að flíspeysan situr heima og kallar til ykkar og þið viljið vera með fætur uppá borði, berja í pott og snýta ykkur í ermina, en í guðs bænum sýnið stofnuninni virðingu.

Hér eru fleiri áríðandi málefni Borgarahreyfingarinnar:
a) Pizzudagur á föstudögum
b) Að afnema buxnaskyldu
c) Að fá að klípa í rass
d) Skylda þingmenn til að vera í gúmmístígvélum. Eða strigaskóm með frönskum rennilás
e) Að vera ekki litnir hornauga fyrir að ropa geðveikt hátt í þingsal.

Garnagaul

2009-05-12T13:05:00.000Z

Þessi æska.

2009-05-11T10:07:00.000Z

Um daginn keypti ég gamla Minolta myndavél, algjöran hlunk sem maður fóðrar með filmu. Ég held svei mér að ég sé farinn að safna gömlum, lélegum myndavélum.

Allavegana, þá var ég að taka myndir í vinnunni á föstudaginn. Sonur vinnufélaga var búinn að smíða vélmenni úr Lego og ég fékk að taka af honum mynd. Þegar ég var búinn sagði hann, „má ég sjá myndina!“

Haha en sætt. „Það er bara ekki hægt vinur. Þetta er svo gömul vél að ég þarf að framkalla filmuna fyrst. Hefurðu einhverntíman séð svona?“ Neibb, hann hafði aldrei séð filmuvél.

Filmur, vínyll, VHS og túbusjónvörp. Mér finnst svo fyndið þegar krakkar hafa aldrei séð þetta. Þetta er bara eitthvað dót sem hellisbúar notuðu í svarthvítri forneskju. Einsog þvottabretti og sláttuorf.

En ég er amk mjög glaður að krakkar eru enn að leika sér með Lego.

Blíbb

2009-05-10T09:51:00.003Z

Jóní var að fá Nintendo DS Lite, svona litla lófaleikjatölvu. Hún skemmtir sér konunglega í bóndaleik, þar sem litli bóndakallinn hennar plægir akur og gróðursetur rófur og mandarínur og eitthvað. Svo er hún líka að spila kokkaleik frá Jame Oliver. Þar flippar hún rækjum á pönnu og býr til könglagratín.

Á meðan sit ég hér svangur og garðurinn okkar er í órækt.

Nei djók. Það er bara svo fyndið þegar fólk er að spila svona raunveru-leiki þegar raun-veruleikinn stendur og bíður fyrir utan gluggann. Þú veist, að spila uppvaskileik þegar það eru skítug hnífapör í vaskinum.

En jámm, ég hef ekki enn fengið að prufa, en ég vil spila nýjasta Mario og fá svona pakka með öllum gömlu Nintendo leikjunum (Double Dribble!). En segið mér, er séns að fá einhvern byssuleik? Þetta er svo óendanlega hresst og fjölskylduvænt hjá þeim.

En jæja ég er farinn að skipa Jóní að plægja akurinn og vökva hassplönturnar. úbbssss ég trúi ekki að ég hafi skrifað þetta. Ekki kjafta!

Hugrenningar

2009-05-02T13:59:00.002Z

Ætli fólk væri að þyrpast hundruðum saman á hugleiðslufund ef það væri bara einhver Baba Ganúsh að tala?

Sýnir að málefnið er bara eins spennandi og sá sem talar. Það yrði eflaust allt troðið á fund um ryðvarnir á knastásum ef George Clooney væri kynnir.

Hóst

2009-04-28T09:46:00.002Z

Var að koma úr alveg dásamlegri heimsreisu. Mexíkó - Kanada - Skotland - Spánn og Svíþjóð.

Át beikon, reyndi við skinkur, stundaði sukk og svínerí, gisti hjá grísabónda og át hráan svínaheila. Ógleymanlegt ævintýri.

Er samt eitthvað pínu slappur.

Freiheit

2009-04-23T09:13:00.002Z

Er til fáránlegri frídagur en Sumardagurinn Fyrsti?

Þetta er einsog smábarnadagur sem fullorðnir fá að njóta. Wíí sumardagurinn fyrsti! Allir í snúsnú. Hvar er sumargjöfin mín mamma (brennóbolti)? Ég vinn fullorðinsvinnu með fullorðnu fólki. Tölvur og allt. En núna sit ég heima að plana frídag því það er sumardagurinn fyrsti?! Fyndið stöff.

Brennó einhver?

Bilsláin á frí skilið

2009-04-22T18:00:00.001Z

DJ
ÖFUL
L
ERU
AUG
LÝ
SINGAR

FR
AMSÓ
K
NARF
LOK
SIN
S

PI
RR
AND
I

Brmmm má ég fá?

2009-04-21T10:05:00.001Z

Er til meiri eitís bíll en þetta?

Kanski þessi.

Elton og snældurnar

2009-04-20T22:27:00.003Z

Ég fór í Kolaportið um helgina og fann þar kassa fullan af VHS snældum. Efst í haugnum var ein merkt SKONROKK með laglegri slaufuskrift. Ég mokaði dýpra og fann 2 í viðbót sem mér leist á. 'Tónlist' og 'Blandaðir tónlistarþættir'. Þvulíkur fjársjóður. Ég stakk gersemunum í tækið og við mér blasti eitís sjónvarpsefni þar sem engum var hlíft. Hún Gulla ljóshærða úr Svínasúpunni var kynnir. Ég á eftir að renna í gegnum þetta alltsaman (hvað kostar annars að flytja vhs yfir á dvd?) en það var búið að taka 'Basic Instinct' yfir eina spóluna. Perri.

En jámm. Það sem er mest gaman við að komast í svona ekta eitís efni er að þar er að finna stöffið sem gleymdist. Liðið sem endaði ekki á best of the eitís safndisk. Dæmið sem ég nefni hérna er reyndar með Elton John, en ég var búinn að grjótgleyma þessu lagi með honum. En um leið og það fór í gang rifjaðist það upp fyrir mér. Lætur mig furða hvað annað er í dvala í heilanum mínum.

Lagið heitir 'Passengers' og er nett ripoff af Paul Simon, sem var að gera allt galið á þessum tíma með afrísku poppi. Þetta er reyndar ekki vídjóið (youtube aular) en lagið er þarna í bakgrunni.

Rok Rok og Læs

2009-04-19T15:59:00.002Z

Djöfulsins rassgatarok er gangi. Ef ég væri krakki væri ég farinn út að nota úlpuna mína einsog segl.

- Myndir Enn og aftur!

2009-04-16T16:26:00.001Z

Sjitt! Ég FÆ BARA EKKI NÓG af - myndir fréttunum. Algjör hápunktur dagsins þegar þær detta inn á Vísi. Ellý Ármanns á bikar skilið.

Sérstaklega hefur verið gaman að fylgjast með umfjöllun hennar um Siennu Miller undanfarið. Mig grunar að Sienna greyið fari eitthvað í taugarnar á Ellý. Hmmm...

Þetta byrjaði svona á þriðjudaginn:

"Skeggið á Siennu?" OK. Skrítið að það hafi ekki verið "Skegg Siennu - myndir"

Svo kemur þetta í gær:

Já hún á greinilega að vera heima að kjökra því hún er officially orðin glötuð. Einsog það sé bara staðreynd einsog sjávarföllin.

Já heyrðu og svo kemur þessi bomba í dag:

Jaahá!! Alveg out for blood núna! Það bara versnar með hverri setningunni. Ég er búinn að flissa yfir þessu í klukkutíma. Tíhí.

Best er hvernig hún notar orð einsog „...vakti eftirtekt viðstaddra“ og „athygli vakti að...“ til að koma einhverju að sem eru augljóslega hennar eigin skoðanir.

Ég þerra mín hláturtár og bíð spenntur eftir hvað kemur á morgun. Eflaust „Athygli vakti hvað Sienna er GLÖTUÐ og nærstaddir óskuðu henni ALLIR dauða.“

Held ég hlýði og skríði úr mínu hýði.

2009-04-14T09:29:00.003Z

Djöööfull var þetta langt frí maður. Mér líður einsog að ég hafi verið á eftirlaunum og hef verið kallaður aftur til vinnu. Ég er svo morknaður að ég fór út í sitthvorum skónum í morgun. Geisp! Hvaða ár er?

POW!skar

2009-04-12T13:04:00.005Z

Maður er svo mikill bölvaður göltur þegar maður étur yfir sig af súkkulaði. Páskaegg eru mjög góð hugmynd á pappír, en í munni... ekki svo mikið. Mannverunni var bara ekki ætlað að kjamsa á kíló af mjólkursúkkulaði og súru gúmmí. Mér verður flökurt og fæ sykursjokk við tilhugsunina. Svo liggja leifarnar í skál fram eftir sumri þangað til maður loksins bryður brjóstsykurinn og lepur upp mylsnuna. Ég bað mömmu um að sleppa því að gefa mér egg. Hún gaf mér bjór í staðinn, sem er auðvitað frábær lausn. Þannig að ég byrjaði páskadagsmorgun með því að opna einn ískaldan uppí rúmi. Djók.

Kannski er vandamálið að páskaegg eru of simpíl. Mér finnst ekkert gott að japla á hreinu súkkulaði. Hvað með að hafa tvöfalt lag af súkkulaði og þunna himnu af marsipan á milli? Eða -enn betri hugmynd- að gera íspáskaegg! Súkkulaðiegg að utan, en bragðarefur að innan! Nói, ég þigg mína umbun í reiðufé.

OK þetta er ekki alveg eggjalaus dagur. Ég kom við í 1011 og keypti tvö Kinderegg fyrir okkur Jóní að fela. Það var svona lítill klessubíll í mínu. Þegar hann rekst á eitthvað, þá hendist litli bílstjórinn úr sætinu. Hörmuleg bílslys hafa aldrei verið eins krúttileg!

PS-
Sko! Kinder fatta þetta. Brúnt og hvítt súkkulaði hlið við hlið! Gjebbó.

Djöhöfulsins lufsugangur eretta í manni!

2009-04-11T21:33:00.003Z

Ég veit ekki, mér finnst bara að blogg sé svo gjörsamlega útúrþvælt fyrirbæri þessa dagana. Allt þetta grenjandi tuð og væl einsog fólk sé að nota lauksneiðar fyrir linsur. Allt þetta lið í vælubílnum hefur klessukeyrt og kramið þennan miðil.

Æ ég er svo skrítinn með svona. Ég get ekki fílað eitthvað sem 'ALLIR' eru að hamast á. Ef allir eru alveg, þessi mynd er fokking geeeðveik! Þá lokast ég einsog úldin skel og mun aldrei sjá hana, hvað þá fílana þegar ég sé hana óvart. Amelie er dæmi. Þá yndislegu og dáðu mynd mun ég aldrei sjá. Bara af því að 'ALLIR' elska hana.

Ég byrjaði að blogga 2005, rétt eftir að fyrsta bloggbylgjan hafði gengið yfir. Þá voru gufuknúnir kallar í sjónvarpinu alveg, "Blog -- Hvað er það? Við fjöllum um málið í 1919 í kvöld!" Ég gat einmitt ekki fengið mig til að byrja að blogga þegar það var nýtt og heitt fyrirbæri, rétt eftir aldamót. Eintak og Kollgras fjölluðu um þetta sjóðheita fyrirbæri og ég faldi mig undir hjólbörum. En svo dó þetta soldið niður og ég sló til. Hér erum við stödd aldarfjórðung síðar og ég hef bara aldrei séð annað eins væl og nafnlaust nöldur. Internetið bugast undan tárum og Sjálfstæðisflokkshatri.

Egill Helgason, moggablogg og sófapólitíkusar: Takk fyrir að gera blogg að Amelie.

PS
Ég er alllls ekki hættur að blogga. Vildi bara aðeins commentera á stöðuna. Ekkert tuð í mér sko. Þetta gengur í öldum og ég flýt sjóveikur með.

Dýrð

2009-04-03T09:51:00.003Z

Jesú var frábær og allt það, en hann var ekkert sérstakur í puttamatnum. Hvað nákvæmlega fékk fólkið að borða þegar hann galdraði fram fisk og brauð? Voru allir að kjamsa soðið fiskflak á ristuðu brauði? Eða einhverjar slímugar sardínur á þurru rúnstykki? Ekki vildi ég vera mættur í það partý. 'Hey Jesú, geturu ekki frekar kraftaverkað ostborgara?'

En samt er enginn betri en Blökkujesú:

Hva, enginn sleikjó?

2009-04-01T11:48:00.002Z

Mikið er alltaf gaman að fara til tannlæknis og vera ekki með neina holu. Það er svosem ekkert mál að láta laga rotnar ostatennur (minn tannsi er með sjónvarp í loftinu) en það er bara svo fúlt að vera dofinn og slefandi allan daginn eftirá. Að ógleymdri holunni í veskinu. Hver ætlar að fylla hana, ha?

En ég er semsagt svo duglegur að bursta, nota tannstöngla og -þráð, flúortöflur og sandpappír að ég þarf ekki að mæta aftur fyrr en að ári liðnu. Wú!

En áður en ég fór pikkaði hann og skóf burt allan tannstein og hreinsaði tanngerðið með þarna búmmíbornum. Ég hefði átt að biðja um þarna appelsínugula jukkið sem er penslað á tennurnar. Er það notað ennþá?

Ég er svo hreinn og nýr á tönnunum að ég ætla að vígja þær með kolkrabbasteik og glasi af flúor.