<body><script type="text/javascript"> function setAttributeOnload(object, attribute, val) { if(window.addEventListener) { window.addEventListener('load', function(){ object[attribute] = val; }, false); } else { window.attachEvent('onload', function(){ object[attribute] = val; }); } } </script> <div id="navbar-iframe-container"></div> <script type="text/javascript" src="https://apis.google.com/js/platform.js"></script> <script type="text/javascript"> gapi.load("gapi.iframes:gapi.iframes.style.bubble", function() { if (gapi.iframes && gapi.iframes.getContext) { gapi.iframes.getContext().openChild({ url: 'https://www.blogger.com/navbar.g?targetBlogID\x3d11318911\x26blogName\x3d\x27tis+the+ballad+of+Bob\x26publishMode\x3dPUBLISH_MODE_BLOGSPOT\x26navbarType\x3dSILVER\x26layoutType\x3dCLASSIC\x26searchRoot\x3dhttps://balladofbob.blogspot.com/search\x26blogLocale\x3dis_IS\x26v\x3d2\x26homepageUrl\x3dhttp://balladofbob.blogspot.com/\x26vt\x3d-2569463983589778356', where: document.getElementById("navbar-iframe-container"), id: "navbar-iframe" }); } }); </script>





mánudagur, maí 29, 2006

"I gave it a cold"

Independence day er í sjónvarpinu. Það minnti mig á þessa gömlu færslu sem ég átti alltaf eftir að setja hingað inn. Koppí-peist færsla, leti er þetta í manni.

Engin mynd fyrr né síðar er jafn hrikalega óþolandi fyrir nöldurgaur eins og sjálfan mig. Ég beinlínis hata þessa mynd. Hvað heimskulega bíómyndalógík varðar stenst engin mynd Independence Day snúning. Sumt af því sem gerir mig brjálaðann er:

Sveitalubbinn stendur upp á fundinum með orrustuflugmönnunum og segist hafa harma að hefna, þar sem nokkrum árum áður hafði honum verið rænt og misþyrmt af geimverum. Allir flugmennirnir líta þá flissandi á hvorn annan eins og að sú fáránlega hugmynd að geimverur hafi rænt honum sé svo fjarstæðukennd að þetta gætu bara verið draumórar geðveiks manns. En er ekki bölvuð geimveruinnrás í gangi fyrir utan gluggann hjá þeim!? “Ha-ha, hann er ruglaður, geimverur eru ekki til! – Jæja, hvernig eigum við að drepa þessar geimverur?”

Jeff Goldblum er bókstaflega öskrandi fullur, hann getur varla staðið í fæturnar og getur ekki gengið nema að velta öllu um koll sem fyrir honum verður. Þvoglumæltur og frávita af ofdrykkju sveiflar hann tómri viskíflöskunni og hrinur loksins niður með svipinn sem maður fær rétt áður en maður ælir. Heyrðu, þá fær hann skyndilega bestu hugmynd ævi sinnar! Hann sprettur upp, hleypur að tölvunni og býr til heimsins gáfaðasta tölvuvírus á mettíma. Jeff útskýrir áætlun sína skírt og greinilega fyrir nærstöddum sem virðast ekkert vera hissa á því að sjá dauðadrukkinn mann verða fullkomlega allsgáðan á tveimur sekúndum.

Will Smith er svo frábær orrustuflugmaður að hann getur hoppað upp í farartæki frá framandi plánetu og án nokkurar þjálfunar flogið rakleitt út í geim. Það er ekki eins og hann þurfi leiðsögutölvu til að komast út í óravíddir geimsins og til baka, því allir vita að maður þarf bara að fara beint upp í loftið til að rata að móðurskipi geimveranna. Og hvað er málið með vírusinn sem þeir setja í móðurskipið? Ég á nógu erfitt með að tengjast prentaranum í vinnunni, hvað þá að tengjast tæknibúnaði æðri vitsmunavera frá öðru sólkerfi. Þetta er nú meiri fartölvan sem Jeff Goldblum er með, fyrst að hann getur bara stimplað inn “upload virus in alien computer system”, ýtt á enter og svo bara setið og hlegið.

I'm a Spook I am.

Æji, af hverju þarf kalda stríðið að vera búið? Ég vil lifa spæjaralífinu. Ætli það sé of seint að sækja um hjá CIA, Interpol, Scotland Yard og rannsóknarlögreglunni? Dulnefnið mitt væri 'Pandabjörninn' og ég mundi taka myndir af ríkisleyndarmálum með agnarsmárri myndavél. Hver ætli framkalli microfilms? Ég vil ganga um í dulargerfi og hitta hattklæddan mann á bekk í almenningsgarði og tala saman á dulmáli.

"Snjórinn fellur oftast um miðjan maí í Helsinki"
- "Þó er óþarfi að sjóða öll eggin strax"

Svo skiptumst við á skjalatöskum með viðkvæmum ríkisleyndarmálum. Ég mundi reyndar gabba hann. Það væri ekkert nema skítug bréf utan af Subwaysamlokum í skjalatöskunni minni hehe.

Skrúðgangan hefst hér













Kveikt hefur verið á nýju bloggi er verður rekið samhliða Ballöðunni.

B-Town Hit Parade

...Sem þýðir að ég er hættur að setja músík hingað inn í bili.

Verið með í skrúðgöngunni. Setjið á hana bókamerki, segið vinum ykkar frá og kransar eru afþakkaðir.

Mánudagslag #21

föstudagur, maí 26, 2006

Kameltá™

- Skiptir Sköpum

Föstudagslagarinn IX

fimmtudagur, maí 25, 2006

I Walked with a Zombie

25. maí 2006. Uppstigningardagur

Af hverju köllum við þennan dag ekki Uppvakningadag?
Er Jesúm ekki fyrsti zombíinn?

The Zombies - 'This will be our Year' mp3

miðvikudagur, maí 24, 2006

Nei Heyrðu






















HYSJAÐU UPP UM ÞIG
DJÖFULSINS BRÆKURNAR!!!

Nánar

Blazin Hazen























Ég er búinn að vísa í Danny Hazen (AKA Average Homeboy) áður. En núna er komið nýtt vídeó með þessum gæja og ég verð bara að telja mig aðdáanda. Þetta er stórskemmtilegt og hann algerlega tekur þessa aularappara í dag og þvær gólfið með þeim, líkt og um einhverja rykmoppu væri að ræða.

Meira með Average Homeboy

mánudagur, maí 22, 2006

Hmmm hvað ætli sé á bakvið þessa klukku?
















Já ok.

Mánudagslag #20

Ályktun!












Réttið upp hönd sem muna eftir Nick Knatterton.

sunnudagur, maí 21, 2006

SELEBASLÚÐUR BJÖLLA
(eða, ÆFING HJÁ SLÚÐRASVEITINNI)

Þrátt fyrir að ég hafi mikinn áhuga á stjörnuslúðri þá læt ég aðra og skemmtilegri sjá um að skrifa um það. En þegar uppáhalds skrímslið mitt á í hlut get ég ekki setið á mér.


Rosario Dawson átti afmæli um daginn og sjálfur Axl Rose mætti til að spila nokkur lög.
















Dajíses, sjáið'ann! Hvað varð eiginlega um hetju minna æskudaga? Hárið er úr appelsínugulu basti og andlitið bótoxað, fölt og þvalt. Svo liggur baðkerstappa-keðja á bringu -sem af rauðri og þrútinni húðinni að dæma- var vöxuð af áfergju aðeins nokkrum mínútum áður. En Rosario er hott.

En heyrðu, annar gestur í partýinu var fatahönnuðurinn fornfrægi, Tommy Hilfiger. Tommy var fullur og óþolandi og var eitthvað að berja í öxlina á Axl og hætti því ekki þrátt fyrir óskir þess efnis. Svo fór auðvitað allt í bál og brand, enda Axl mikil hamhleypa eins og flestir vita. Svona voru svo forsíður blaðanna daginn eftir:


















Þetta er með fyndnustu og súrrealískustu ljósmyndum sem ég hef séð. Haha sjáið heiftina í Tommy. Hann er með ekkert smá mikið game-feis í gangi. Svo fór Axl að spila og tileinkaði Tommy lagið 'You're Crazy'.

Jæja, nóg af slúðri í bili. Æj, OK, eitt enn: Tékkið á þessu hvíta rusli.

Færslan

Í gærkvöldi fórum við Mongús á þennan nýja stað þar sem 22 var áður. Þetta er voða sjík staður í ætt við Ólíver (sömu eigendur) og Kaupfélagið. Æj, mér var ekki að lítast á þetta. Fullt af pening en enginn klassi. Allir helstu gúlgar miðborgarinnar voru búnir með fríu veitingarnar þannig að það var málið að fara út og gleyma þessu. Svosem ágætis staður til að taka við overflowinu frá Ólíver og Kaffibarnum. Ég mun þó varla stund'ann.

Venjulega er ég ekkert að pirrast yfir nýjum næturklúbbum sem voru ekki ætlaðir mér til að byrja með, en það er bara málið með nafnið...

Barinn

Barinn?! Hvaða hallæris aulabrandaranafn er þetta eiginlega? Svona hugmyndasnauðar og letilegar nafngiftir (sjá einnig dagblaðið Blaðið) eru svo latar og leiðinlegar að ég vil helst berja í borðið og hringja í forsetann. Þeir eyddu hálfu ári í að gera staðinn upp, gátu þeir ekki eytt tveimur mínútum í að breinstorma um nafn á hann?

Nýji Sirkus á víst að heita Boston. Snilld.

LARP Garpar














Jájá, þessir LARPs (Live Action Role Players) eru voða hallærislegir þegar þeir hlaupa um í joggingbuxum og skikkjum, lúskrandi á hvor öðrum með korksverðum...

En tékkið bara á þessum gæja! Hann er að taka þetta alvarlega.

Það verður að viðurkennast í fullri hreinskilni að þetta er rosalega svalt. Ég væri alveg til í að fara í byssó með honum.

föstudagur, maí 19, 2006

Pjotro og tónelsku klæðin

Sjitt wá úff hvað þessi gæji er kúl. Hvað ætli kosti að fá hann til að skemmta í partý hjá manni?

Pjotro's musical suit

Reyndar er sveitti kynnirinn soldið skemmtilegur líka.

Föstudagslagarinn VIII

fimmtudagur, maí 18, 2006

GNFR

Hvort mundir þú frekar vilja sjá,
Guns N' Roses frontaða af þessum gæja:






















Eða Guns N' Roses frontaða af smákrökkum!














>> Lil' Guns N' Roses

Njeee

Þá er loksins komið að því. ég er búinn að taka símann úr sambandi, negla fyrir hurðina, segja upp internetinu og búinn að slíta öllum mínum vinsköpum. Ekkert má trufla mig nú, því að eftir aðeins nokkrar klukkustundir mun fulltrúi okkar íslendinga, Dee Snider, stíga á svið og heilla gjörvalla Austur-Evrópu í undankeppni Evrófisjón.

















Ég er búinn að kaupa lagið á special collector's edition DVD með original mix, Expanded version, Þorvaldur Bjarnason re-edit og karaoke útgáfunni. Textinn er prentaður út, official Coca-Cola sponsoraða stigataflan komin í hús og ísskápurinn vel stokkaður af Blush og Campari. Roll on Evróvision!

Snug as a bug in a pizza rug

Í gærkvöldi upplifði ég eina af mínum elstu fantasíum.

Ég heimsótti Gullu í vinnuna, en hún er starfsmaður Reykjavík Pizza Company á laugaveginum, sem er í raun sami staður og Eldsmiðjan, nema að í RPC er bók um Hindenbúrg-slysið í hillu. Anyway.

Gulla var svo rausnarleg að splæsa á mig flatböku, sem ég lét ekki bjóða mér tvisvar, enda svo svangur að tómur, þurr maginn var farinn að límast saman að innan, svona svipað og gömul prumpiblaðra sem gleymdist á bakvið sófa. Hvaðeina. Ég fékk mér sæti, setti upp lestrargleraugun og rýndi í matseðilinn. Þá komum við að fantasíupartinum: Ég mátti algerlega ganga af göflunum með áleggið!

Það hefur laungum verið draumur minn að fá að vera einn í heiminum í pizzustaðseldhúsi. Graslaukur, tannkrem, hlaupkallar, skósverta og tindátar. Engar hefðir pizzugerðarlistarinnar um hefðbundin álegg væru mér heilagar. En þar sem ég fékk ekki að renna pizzu með Oreokexi í gegnum ofninn varð ég að halda mig við matseðilinn.

Eldsmiðjan/RPC er alger gúrmei-búlla og þar er boðið uppá hvorki fleiri né færri en 68 áleggstegundir og því var úr nógu að velja. Eftir mikil heilabrot og skegg-tog var ákveðið að hafa þetta eina 12 tommu með spægipylsu, þystilhjörtum, rjómaosti, kartöflum, eggjum, banönum og sesamfræjum.


















Þetta var pizza í lagi. Með prumpiblöðruna fulla af iðandi hnossgæti skjögraði ég um gólfið og hló.

Svo er eitt. Af hverju búa þeir ekki til nammipizzur? Pizzabrauðinu yrði hent tómu í gegnum ofninn og svo væri skellt á hana ís, rjóma, sýrópi, smartís, kremkex-kremi og bara hverju sem er. Ég mundi kaupa það.
Hálfmáni með eplakökufyllingu? Njamm, gemmér!

mánudagur, maí 15, 2006

Mánudagslag #19

sunnudagur, maí 14, 2006

M

Allar mömmur eru frábærar að sögn, en mín mamma er frábær í alvörunni. Hún er fyndin, smekkleg og vill öllum vel. Best er þó skemmtileg notkun hennar á móðurmálinu, enda orðheppin mjög. Ég reyni að nota gullmola frá henni eins mikið og ég get í daglegu tali:

Hattaprestur er svona standur með snögum á. Eins og prestur í lok messu stendur hann við útidyrahurðina, heilsar gestum og tekur við höttum þeirra og frökkum. Ég hef ekki enn hitt manneskju sem hefur heyrt þetta húsgagn kallað hattaprest áður.

Ein örk af eldhúsrúllu er Eyðublað. Á matmálstímum segi ég, "má ég fá eitt eyðublað hjá þér?" en fæ bara undarleg auglit og "ha?" í staðinn. Það er ekki eins og ég sé að reyna að vera eitthvað fyndinn eða 'spes' þegar ég bið um eyðublað til að þerra mæjónes af munnvikunum, þetta var bara aldrei kallað annað þegar ég ólst upp. Tissjú getur líka verið Húsbréf.


Ég vil ljúka þessu með því að yrkja ljóð um hana mömmu mína:


Mamma mín er æði
og er hún tákn um gæði.
Sjaldan er hún til mæði
og í henni er lítil bræði.
Nema stundum bæði.

Um mömmu hér ég ræði.
Sem veitir þreyttum næði
eldar þeim ljúffengt fæði
og ber á vopnin klæði.
ömm...
Manstu eftir
skóversluninni Skæði?



Sorrý piltar, hún er frátekin.

föstudagur, maí 12, 2006

Föstudagslagarinn VII

mánudagur, maí 08, 2006

8956

Í dag er ég áttaþúsund níuhundruð fimmtíu og sex daga gamall. Ég mun væntanlega ekki halda neitt sérstaklega upp á þann áfanga, en 21. júní næstkomandi verð ég níuþúsund daga gamall og þá mun ég eflaust sprengja hurðarsprengju og drekka níuþúsund bjóra.

Mér finnst það mjög skemmtilegt heilarúnk að sjá ævina manns bútaða svona niður í litlar einingar. Fyrsta daginn sem ég man eftir mér datt ég ofan í sundlaug í Sikiley og þurfti stóri bróðir minn að stökkva á eftir mér og bjarga drukknandi barninu. Svo var það dagurinn sem ég datt fyrst í það. Það var á Halló Akureyri 1996, ég ældi á löggur og drapst standandi uppvið staur. Hef hvorki bragðað Koskenkorva Pink Cat né fengið blakkát síðan þá. Einn daginn datt ég á bakið á hjólabretti og gat ekki andað svo lengi að ég hélt að ég væri að deyja. Einn daginn vann ég kassa af Pepsi þegar ég hitti vítaskoti á stjörnuleiknum í körfubolta í Austurbergi. Sama dag keypti ég heilan skáp (lítill plast 'locker' með virkandi hurð) af körfuboltamyndum.

Svo hefur maður auðvitað sóað mörgum þeirra í vitleysu.

Hvað ert þú margra daga?
(ath að gera skástrik: 10/30/1981)

Mánudagslag #18

laugardagur, maí 06, 2006

Lömbunum sleppt

Einn af mínum uppáhalds dögum ársins er þegar útskriftarsýning Listaháskólans opnar. Allir mæta í sínu fínasta pússi og skoða það sem krakkarnir eru að pæla. Mér fannst þetta vera með betri útskriftarsýningum sem ég hef séð, ef ekki sú allra besta. Virkilega spennandi og fjölbreytt verk. Þessar elskur eiga mikil bak-klöpp skilið.

Extra klapp frá mér fá:

Stereóljósmyndirnar hans Jóa Kjartans

Íslenska Clip-artið hennar Sólar

Töff stöff Petru Bender

Fallegir litir Áslaugar Friðjónsdóttur

Leiðarkerfi Harðar Láruss

Bútasaumsteppið hans Sigga Eggerts

Magnaðar teikningar Soffíu Jóhannsdóttur

Risastjóri sjóarahatturinn hans Guðjóns

Þetta er amk. það sem stendur uppúr í huga mér núna, maður á eftir að kíkja aftur á sýninguna í rólegheitunum, skoða möppur og rýna nánar. Hér eru nokkrar svipmyndir. Smella til að sjá stærri.





Wá mar

Svenni er ekkert smá mikill leiðindagaur.

föstudagur, maí 05, 2006

Ekki Gleyma


Nuthin' but net
(föstudagspæling)

Maður er sjaldan eins mikil hetja og þegar maður hittir fullkomlega í ruslakörfu með tómri dós. Allir eru alveg "Jei! Töffari!" Maður setur þá hendur á hnakka og hallar sér aftur í stólnum og er alveg "Heh, no proooob".

Ég væri til í að vera hittinn. Semsagt yfirnáttúrulega hittinn, að hverju sem ég kastaði mundi alltaf hitta fullkomlega, í hvert einasta sinn.

Án nokkurrar áreynslu og geðveikt chillaður á því gæti ég:

Kastað fjöður í gegnum bréfalúgu af tíu metra færi.

Hent hanska í loftið og kýlt hendinni fullkomlega inní hann.

Verið í myrkri með lykilinn í hnefanum, kýlt geðveikt fast út í loftið og hitt skráargatið fullkomlega.

Verið við barinn og kastað röri inn í annað rör.

Haldið á buxunum mínum fyrir framan mig og hoppað jafnfætis oní þær.

Svo eru það auðvitað litlu hlutirnir: Maður hellir aldrei skakkt í glas, gerir aldrei innsláttarvillur, litar aldrei útfyrir og kynlíf á trampólíni verður möguleiki.

Föstudagslagarinn VI

miðvikudagur, maí 03, 2006

Leikar að tónum á degi föstunnar

Komið öll sem eitt á tónleika á Grand Rokk
á föstudaginn kemur (5. maí) kl. 22:30.

Grandmothers Records kynna:

BOBBY BREIÐHOLT
MONGOOSE
SKÁTAR
Gagnvirk videogeðveiki í boði RETRON

Allt þetta fyrir aðeins 500 kall?!
You gotta be shittin' me!

















Munu Rick Wakeman og félagar mæta sem leynigestir?
Aðeins ein leið til að komast að því!

mánudagur, maí 01, 2006

Mánudagslag #17

(Hér ætlaði ég að vera með mynd af Putty í Seinfeld þegar hann öskraði "We're the Devils!!!" í andlitið á prestinum. Það var óborganlegt. En Gúgglið brást mér)

Melanie - 'Some Say (I got Devil)' mp3